Oğuzda kişi keçmiş arvadını bıçaqladı

Oğuzda qadına kəsici alətlə xəsarət yetirən şəxs saxlanılıb.

Den.az xəbər verir ki, dünən saat 23 radələrində Oğuz rayonunun Bayan kənd sakini 40 yaşlı Nuranə Məsimovanın kəsilmiş-deşilmiş xəsarətlər alması barədə polisə məlumat daxil olub.

Daxili İşlər Nazirliyinin mətbuat xidmətinin Şəki regional qrupundan Lent.az-a verilən məlumata görə, polis əməkdaşları tərəfindən keçirilmiş əməliyyat-istintaq tədbirləri nəticəsində qadına kəsici alətlə xəsarət yetirməkdə şübhəli bilinən keçmiş əri, 51 yaşlı Eyvaz Məmmədov saxlanılıb. Xəsarətin dərəcəsinin müəyyən edilməsi məqsədilə müvafiq ekspertiza təyin olunub və faktla bağlı rayon Polis Şöbəsində araşdırma aparılır.