Xaçmazda AĞIR QƏZA - Bir ölü, bir yaralı var

Xaçmaz rayonunda ağır yol nəqliyyat hadisəsi baş verib.

Den.az-ın şimal bürosu xəbər verir ki, hadisə Gəndab-Yalama yolunun Xaçmazın Nərəcan kəndindən keçən hissəsində qeydə alınıb.

Rayonun Nərəcan kənd sakini, 27 yaşlı Azər Yadulla oğlu Ədilovun idarə etdiyi"Vaz-2107" markalı avtomobil Xaçmaz şəhər sakini, 43 yaşlı Bəşir Fərasət oğlu Əlixanovun idarə etdiyi "KAMAZ" markalı yük maşını ilə toqquşub.

Nəticədə yük maşınının sürücüsü xəsarət alıb, digər sürücü Azər Ədilov isə yerindəcə ölüb.  

Qəzanın səbəbləri araşdırılır.