3-ü uşaq, 5 nəfər yanıb öldü

Nijni Novqorod vilayətində yaşayış binasında baş verən yanğın nəticəsində 5 nəfər ölüb.

Den.az Rusiya mediasına istinadla bildirir ki, bu barədə Rusiya Fövqəladə Hallar Nazirliyinin region üzrə mətbuat xidməti məlumat yayıb. İdarədən bildirilib ki, ölənlər arasında üç uşaq da var. Fövqəladə hadisə Arzamas yaxınlığındakı Sliznevo kəndində baş verib.

Ölən uşaqların ən kiçiyinin cəmi bir yaşı var. Ən böyüyünün 12 yaşı var. Yanğın evdə gecə saatlarında baş verib. Yanğınsöndürənlər hadisə yerinə gələndə bina açıq atəşlə alovlanıb.

Yalnız iki saatdan sonra yanğın söndürülüb. Yanğın sahəsi 60 kvadratmetr olub. Yanğında 15 texnika və 41 xilasedici çalışıb. Hazırda müstəntiqlər yanğının səbəbini müəyyənləşdirməyə çalışırlar.