Gəncədə "Jiquli" yük maşını ilə TOQQUŞDU: ÖLƏN VAR

Gəncədə ölümlə nəticələnən yol-nəqliyyat hadisəsi baş verib. 

Den.az xəbər verir ki, hadisə şəhərin Nizami prospektində qeydə alınıb.

21 yaşlı Zöhrab Hüseynov idarə etdiyi VAZ-2107 markalı avtomobillə hərəkətdə olarkən Səbuhi Məmmədovun idarə etdiyi Zil-130 markalı yük avtomobili ilə toqquşub. 

Nəticədə sürücü Z.Hüseynov və sərnişini Çingiz Mustafayev xəsarətlər alıb, digər sərnişin Mehdi Qəhrəmanzadə isə hadisə yerində ölüb.

Faktla bağlı cinayət işi açılıb. Araşdırma aparılır.