Kamil Zeynallı nədə ittiham olunur? - MADDƏLƏR

Rusiyada saxlanılan idmançı Kamil Zeynallının ittiham olunduğu maddələr məlum olub.

Den.az-ın məlumatına görə, Kamil Zeynallının vəkili Ələkbər Qarayev bildirib ki, müvəkkili Vətən müharibəsi başlayandan iki gün sonra, 29 sentyabr 2020-ci ildə Ermənistan tərəfindən axtarışa verilib.

Ona qarşı Ermənistan Cinayət Məcəlləsinin 135 (İnsanlığa qarşı cinayətlər), 137 (Müharibə cinayətləri), 140 (Müharibə aparmaq üçün qadağan olunmuş üsullardan istifadə edən hərbi cinayətlər), 147 (Muzdlu cəlb etmək) və 149-cu (Təcavüz) maddələri ilə ittiham irəli sürülüb. 

Vəkilin sözlərinə görə, Kamil Zeynallı sabah məhkəməyə çıxarılacaq.