10 
iyl
2023
17:01
207

Sərxan Hacıyev Elxan Məmmədovun kadrlarını daha AFFA-da görmək istəmir…

10 iyl, 2023
17:01
207

Sərxan Hacıyev Elxan Məmmədovun kadrlarını daha AFFA-da görmək istəmir…

AFFA-nın Mətbuat və İctimaiyyətlə Əlaqələr Departamentinin yeni rəisi hələ müəyyənləşməyib. Beş ilə yaxın müddətdə bu vəzifəni tutmuş Firuz Abdullanın artıq «Səbail»də çalışmağa başlamasından xəbərdarsız. Buna kimi klubun Müşahidə Şurasının üzvü olmuş F.Abdulla icraçı direktor postunda Fərəc Əliyevi əvəzləyib.

Federasiyada vakant qalan yerə isə bir neçə namizəd var. F.Abdulla özündən sonra Törə Əhmədovanı o pastda görmək istəsə də, baş katib Sərxan Hacıyev razılaşmayıb. Ötən ilin mayında federasiyanın bavşına keçmiş S.Hacıyev «Səbail»in sabiq mətbuat katibi ilə yanaşı, daha 2 nəfərin namizədliyini qəbul etməyib.

Elxan Məmmədovdan fərqli olaraq, Sərxan Hacıyev media ilə münasibətlərə həssas yanaşır. Ümumiyyətlə, yeni baş katib E.Məmmədovun əksər kadrları ilə çalışmağa maraq göstərmir. Onlara elə üz də göstərmir. O, AFFA-ya yeni simalar cəlb etmək istəyir.
Firuz Abdullanın «Səbail»ə gedişinin baş katibi üzməsini deyə bilmərik. Bəlkə də ürəyincə olub. Biz son vaxtlar bu ikilini bir yerdə az-az görürdük. Abdulla həmişə Məmmədovun sağ-solunda idisə, Hacıyev əksər hallarda onun müşayiəti olmadan ictimaiyyət arasına çıxırdı. Anlaşılan bu idi ki, araları o qədər də yaxın deyil, münasibətləri sərindir.

Elxan Məmmədovla keçmiş müavininin əlaqələri əvvəlki səviyyəsində qalsaydı, yəqin ki, Firuz Abdulla hələ də AFFA-da idi, «Səbail»ə getməyəcəkdi. Vaxtında tərpəndi, keçid etdi. Hər halda bura da ona doğma yer kimidir. Necə də olmasa, 2016-cı ilin yayından - klubun yaradıldığı tarixdən onun içindədir. Digər tərəfdən, Elxan Məmmədovun sözü hələ də «Səbail»də keçərlidir. 13 aydır FİFA-nın Paris ofisində çalışan AFFA-nın sabiq icraçı vitse-prezidenti və baş katibi digər klubları itirmək məcburiyyətində qalsa da, «Səbail»ə nəzarəti əlindən buraxmayıb.

Bizimlə əlaqə saxlayın

Çox oxunanlar