Rusiyanın Yekaterinburq şəhərində Beynəlxalq Universitet İdman Festivalında boks yarışlarında ikinci günün döyüşləri keçirilir.
“Den.az” Azərbaycan Boks Federasiyasına istinadən xəbər verir ki, Yekaterinburq şəhərinin 300 illik yubileyinin qeyd olunmasına həsr edilən turnirdə Azərbaycan millisi artıq 2 medalı təmin edib.
Elbrus Rzayevin rəhbərlik etdiyi komandada Nicat Hüseynovun (54 kq) debütü uğurlu alınıb. Avropa çempionumuz 1/4 finalda belaruslu İvan Zaxarenkonu məğlub edib.
Şəmsi Şahbazov (71 kq) da festivala qələbə ilə başlayıb. O, tacikistanlı Abdulahad Boboyevdən güclü olub.
Hər 2 boksçumuz yarımfinala yüksəlməklə özü üçün ən azı bürünc medalı da təmin edib.
Onlardan fərqli, İlqar Salahov mükafatın bir addımlığında dayanıb. 67 kq çəkidə rinqə çıxan idmançı 1/8 finalda İvan Bezrukova (Rusiya) qalib gəlsə də, ardınca Yəhya Eskanderə (İrak) məğlub olub.
Qeyd edək ki, Beynəlxalq Universitet İdman Festivalında Azərbaycan 10 boksçu ilə təmsil olunur.
2 boksçumuz Beynəlxalq Universitet İdman Festivalında yarımfinala yüksəldi
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
