Monteneqronun Budva şəhərində boks üzrə Avropa Kuboku davam edir. “Den.az” xəbər verir ki, 29 ölkədən 156 idmançının qatıldığı yarışın ikinci günündə Azərbaycan millisinin 3 üzvü rinqə çıxıb.
Boksçularımızdan Tayfur Əliyev (60 kq) ilk döyüşünü qələbə ilə başa vurub. 1/8 final çərçivəsində Cuzeppe Kanoniko (İtaliya) ilə qarşılaşan Avropa Oyunlarının mükafatçısı inamlı qələbə qazanıb – 5:0 (30:27, 30:27, 30:27, 30:27, 30:27). O, növbəti döyüşünə oktyabrın 12-də çıxacaq. Əliyevin rəqibi Rusiyanı təmsil edən Arşak Tovmasyan olacaq.
Tayfurun qardaşı Sərxan Əliyev də Avropa kubokuna qələbə ilə start verib. 71 kq çəkidə rinqə çıxan boksçu Toni Cası (İBAN) 5:0 (29:27, 29:27, 29:27, 29:27, 29:27) hesabı ilə məğlub edib. Əliyev 1/4 finalda israilli Miroslav Kapulerlə üz-üzə gələcək. Döyüş oktyabrın 12-də olacaq.
63,5 kq-da Malik Həsənov (63,5 kq) da mərhələ adlayıb. O, 1/8 final mərhələsində Bartumey Roskovici (Polşa) mübarizədən kənarlaşdırıb. Boksçumuz 5:0 (30:27, 30:27, 30:27, 30:27, 30:27) hesabı ilə qələbə qazanıb. Həsənov ikinci döyüşündə fransalı Lounes Hamraouini sınağa çəkəcək. Qarşılaşma oktyabrın 11-də olacaq.
Qeyd edək ki, Avropa kubokunun 3-cü günündə millimizin daha 2 boksçusu mübarizəyə qoşulacaq. Nicat Hüseynov (54 kq) Cianis Salotski (Belarus) ilə, Nəbi İsgəndərov (67 kq) Adrian Krusla (İspaniya) gücünü yoxlayacaq.
Boksçularımız Avropa Kubokunda mərhələ adladı
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
