Bakıda atıcılıq üzrə dünya çempionatının 13-cü günündə tamaşaçılar və iştirakçılar daha bir dünya rekorduna şahid olublar.
Den.az xəbər verir ki, 300 metr məsafəyə uzanaraq atəş açma üzrə kişilər arasında yarışda qızıl medal qazanan Raymond Debeveç 60 yaşında mümkün 600 xalın hamısını toplayaraq dünya rekordunu yeniləyib.
Bu, qeyd edilən növdə belə yaşlı idmançının ilk nəticəsidir. Daha əvvəl bu növdə rekord vurmuş ən yaşlı atletin 38 yaşı olub (isveçli Karl Olsson).
Yarışda ikinci yeri 599 xal toplayan Finlandiyadan olan atıcı Aleksi Leppa tutub. Bürünc medalı ABŞ-nı təmsil edən Timoti Şerry bayram edib (599 xal).
Bu növdə kişilərin komanda yarışına gəlincə, Norveç birinci, Polşa ikinci, İsveçrə üçüncü olub.
Qadınların yarışında qızıl medal qazanan Polşa təmsilçisi Karolina Romançik 593 xalla ilk pilləyə yiyələnib. İkinci yeri 592 xalla İsveçrədən olan Silviya Quiqnard Şnider tutub. Fransa atıcısı Aqat Sesil Kamille Qirard isə 592 xalla bürünc medalın sevincini yaşayıb.
Bu növdə qadınların komanda yarışında İsveçrə birinci, Norveç ikinci ikinci, Almaniya üçüncü olub.
Bakıda daha bir REKORD REKORD
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
