Ümumdünya Güləş Birliyi (UWW) idman tarixində nadir rast gəlinən qərar verib.
Den.az Qol.az-a istinadən xəbər verir ki, bu ilin sentyabrında Serbiyanın paytaxtı Belqradda keçirilən dünya çempionatının finalında Türkiyə idmançısı Ali Cengiz (87 kq.) finalda Macarıstandan olan güləşçi David Loşontsiyə 8:7 hesabı ilə qalib gəlib. Bundan sonra Macarıstan Güləş Federasiyası görüşün nəticəsinə etiraz olaraq UWW-yə şikayət edib.
UWW İcraiyyə Komitəsinin toplatınsında şikayətə və görüşün videoyazısına baxılıb. Bələ fikrə gəlinib ki, hakim son saniyələrdə nəticəyə təsir edən səhvə yol verərək macar idmançının üstünlüyünü qeydə almayıb. Bu səbəbdən UWW həmin qarşılaşmanın qalibi Ali Cengizlə yanaşı David Loşontsini də dünya çempionu elan edib.
Beləliklə, bu finalın hər iki iştirakçısı dünya çempionu kimi tarixə düşüb. Qərarı UWW öz saytı vasitəsi ilə açıqlayıb.
Türkiyə mətbuatının yazdığına görə, güləş mütəxəssisləri bunun qalmaqallı və mübahisəli qərar olduğunu bildiriblər.
Onların fikrincə, bu, idmanda normal olmayan bir ənənənin əsasını qoyur. Yəni bundan sonra medal qarşılaşmalarında narazı tərəf şikayət etməklə hakimlərin qərarlarını sorğulaya və onu ləğv etdirə bilərlər.
Güləş tarixində görünməmiş hadisə - Hər ikisi dünya çempionu elan edildi
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
