Bakının mərkəzində yerləşən “Capital Towers” yaşayış kompleksində insident baş verib.
“Den.az” Oxu.az-a istinadən xəbər verir ki, bina sakinləri 20-ci mərtəbənin foyesində narkotik maddə istifadə etdikləri deyilən iki nəfəri görüb və dərhal mühafizəçiyə xəbər veriblər.
Mühafizəçi hadisə yerinə çatanda narkotikin təsiri altında olduğu bildirilən şəxslərdən aşağı enməyi tələb edib. Lakin onlar bu tələbə məhəl qoymayaraq mühafizəçini söyməyə və döyməyə başlayıblar.
Vəziyyətin nəzarətdən çıxdığını görən mühafizəçi özünü 1-ci mərtəbəyə çatdırmağa çalışıb. Ancaq əlində xəncər olan şəxslərdən biri ona hücum edib.
Daxili İşlər Nazirliyinin Mətbuat Xidmətinin baş inspektoru polis leytenantı Elbrus İbrahimovun açıqlamasına görə, mühafizəçiyə suvenir xəncərlə hücum edən şəxs saxlanılıb: “Görüntüdə əks olunan hadisə qonşular arasında mübahisədir. Həmin şəxs polis əməkdaşları tərəfindən müəyyən olunaraq saxlanılıb. Faktla bağlı araşdırma aparılır”.
Həmin görüntüləri təqdim edirik:
Bakıda yaşayış kompleksində xəncərli hücum - Video
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
