“Başakşehir”-“Qalatasaray” matçını televizordan izləməyə icazə vermədiyi üçün mübahisədən sonra dostlarından birini öldürən, digərini isə yaralayan müttəhim barəsində qərar çıxarılıb. Bursa 8-ci Ağır Cəza Məhkəməsində keçirilən iclasda məhbus Suat Öner, iddiaçı Sedat İ. və hər iki tərəfin vəkilləri iştirak ediblər.
Den.az Türkiyə mediasına istinadla bildirir ki, məhkəmədə çıxış edən prokuror müttəhim Suat Önerin “qəsdən adam öldürmə” və “qəsdən adam öldürməyə cəhd” cinayətlərinə görə cəzalandırılmasını, həmçinin iddiaçı Sedat İ.-nin bəraət almasını istəyib.
Təqsirləndirilən Öner məhkəmə heyətinə verdiyi ifadəsində zərərçəkmiş Kadir Şahinlə uzun müddətdir dost olduğunu və özünü qorumaq üçün bıçaqdan istifadə etdiyini bildirib. Televizorda yayımlanan “Başakşehir”-“Qalatasaray” matçını izləmək istədiyini deyən Öner “Fənərbaxça” azarkeşi Şahinin əsəbiləşərək onu söyüb yumruqladığını iddia edib.
Mübahisədən sonra Şahindən qorunmaq üçün otaqdan meyvə bıçağını götürdüyünü söyləyən Öner peşman olduğunu bildirib və azadlığa buraxılmasını istəyib. Həbsdə saxlanılmayan digər şübhəli Sedat İ. məhkəmədəki çıxışında Öneri söymədiklərini bildirib.
Məhkəmə, müttəhim Suat Önerin Kadir Şahinə qarşı etdiyi hərəkətə görə “qəsdən adam öldürmə” cinayətindən ömürlük həbs cəzasına məhkum edilməsinə qərar verib, müttəhimin cəzasını isə haqsız təxribatın azaldılması ilə 15 ilə endirib və Sedat İ.-yə bəraət verib.
“Qalatasaray” fanatı “Fənərbaxça” azarkeşi olan dostunu öldürdü
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
