Azərbaycanda 2024-cü ilin iyun ayında yaşı 100 və 100-dən çox olan pensiyaçıların sayı 270 nəfər təşkil edib.
Bu barədə Dövlət Sosial Müdafiə Fondundan məlumat verilib. Məlumata görə, onların 36 nəfəri kişi, 234 nəfəri isə qadındır. Bu isə onu göstərir ki, qadınlar kişilərdən daha çox ömür sürür. Bunun müxtəlif səbəbləri göstərilir.
Qadın orqanizminin kişi orqanizmi ilə müqayisədə daha güclü, daha dözümlü olması, stresdən daha tez çıxıb toparlana bilməsi kimi amillər ön sıradadır.
Den.az xəbər verir ki, mövzu ilə bağlı tibb sahəsi üzrə ekspert Rasif Bağırov “Cebheinfo.az”-a açıqlamasında bildirib ki, buna səbəb təkcə psixoloji amillər deyil, həm də tibbi məsələlərdir:
“Qadınlarda estrogen hormonu kişilərdəki testosteron hormonundan daha güclüdür. Bu isə qadın metabolizmasının daha yaxşı inkişafı üçün önəmli faktordur. Yəni 55-60 yaşına qədər qadınlarda bu proses gedə bilir. Bu gün qadınlarda ürəktutması halına daha az rast gəlinir, nəinki kişilərdə. 50-55 yaşında bir kişinin infarkt olması halı həmin yaşdakı qadının infarkt olması halından daha çoxdur. Yəni səbəblər müxtəlifdir. Qadınlar stressdən daha rahat qurtula bilirlər. Kişilərin isə hansısa üzgün, bədbin anlarını göstərmək əvəzinə, ürəyinə saldığını bilirik. Bu və digər amillər səbəbindən qadınlar kişilərdən daha çox ömür sürə bilirlər”.
Azərbaycanda qadınlar kişilərdən niyə çox yaşayır? – Səbəb açıqlandı

Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.