Folqadan istifadə edərkən bir çox insan eyni problemlə üzləşir: yemək bəzən alüminium səthə möhkəm yapışır. Bəzən vəziyyət o həddə çatır ki, yeməyi təqdim etmək təhlükəli olduğundan — üzərində folqa parçaları qaldığı üçün — birbaşa zibil qutusuna atmaq məcburiyyəti yaranır.
Bu niyə baş verir?
Aşpaz Emili Sussman Southern Living nəşrinə açıqlamasında həm problemin kökünü, həm də həll yolunu izah edib.
Folqa yapışmayan materialdırmı?
Folqa mikroməsaməli quruluşa malik metal materialdır. Qızdırıldıqda zülallar alüminiumla “birləşir”. Xüsusilə tez yapışan məhsullar bunlardır:
-
yağsız ət və balıq
-
yumurta
-
kartof və nişastalı məhsullar
Məhsul nə qədər az yağlı və nə qədər nəmli olarsa, folqa üzərində qalma riski də bir o qədər yüksəkdir.
Yeməyin folqaya yapışmaması üçün nə etməli
Folqa ilə məhsul arasında mütləq yağ qatı yaradılmalıdır. Məsələn, folqanı az miqdarda bitki yağı ilə yağlamaq kifayətdir.
Aşpaz həmçinin yapışmayan örtüklü xüsusi folqaların mövcud olduğunu xatırladıb. Adi folqada parlaq və tutqun tərəf arasında ciddi fərq olmasa da, örtüklü folqa istifadə edilərkən məhsul yalnız mat (parlamayan) tərəfə qoyulmalıdır.
Zərif bişirmələr — peçenye və pirojnalar üçün isə folqanı perqament kağızı ilə əvəz etmək daha məqsədəuyğundur.
Yemək artıq folqaya yapışıbsa nə etməli
Yapışmış yeməyi dərhal atmağa tələsməyin. Sobadan çıxardıqdan sonra 1–2 dəqiqə gözləyin, sonra nazik spatula ilə altından ehtiyatla qaldırın və yavaş-yavaş ayırın. Balıq və zapekankaları çıxarmaq üçün altına təzə folqa və ya perqament qoymaq daha rahatdır.
