ABŞ həkimləri doğuş edən qadına uşağın tənəffüs yollarını təmizləmək üçün vaxtından əvvəl qeysəriyyə əməliyyatı etməyə məcbur olublar.
Bu barədə Britaniyanın The Guardian qəzeti məlumat yayıb.
Bundan sonra körpə yenidən ana bətninə yerləşdirilib: o, prosedurdan altı həftə sonra “ikinci dəfə” dünyaya gəlib.
Qadın hamiləliyin 25-ci həftəsində olarkən həkim qismən qeysəriyyə əməliyyatı həyata keçirib, uşağın başını və qollarını çölə çıxarıb, lakin bədəni plasentaya bağlı vəziyyətdə saxlanılıb. LOR-cərrah dərhal oğlan uşağının tənəffüs yollarını təmizləyib. Daha sonra körpə yenidən uşaqlığa yerləşdirilib, ana isə dölün inkişafını davam etdirmək üçün xəstəxanada saxlanılıb, — həkimlər bildiriblər.
Qeyd olunub ki, yeni doğulan körpənin çəkisi 1,4 kiloqram olub. Oğlan uşağı dörd ay reanimasiyada qalıb. Hazırda o, süni tənəffüs aparatı ilə nəfəs alır və əməliyyatlara ehtiyac duyur, lakin valideynləri onun dünyaya gəlməsini möcüzə hesab edir.
