SELÇUK KARAKILIÇ “ÇÖLÇÜ”NÜN İŞİNİ DƏYƏRLƏNDİRDİ-FOTO

Yunus Emre İnstitunun Bakı bölməsinin rəhbəri Selçuk Karakılıç “Çölçü” Milli Mədəni İrsin İnkişafı İctimai Birliyinin sədri Eltən Törəçi ilə görüşüb.

Görüşün məqsədi Türk dilinin, mədəniyyətinin, tarixinin, gələnəklərinin dirçəldilməsi, türkdilli xalqlar arasında bağların gücləndirilməsi üçün görülən işlərin müzakirəsi olub. “Çölçü” İB-nin önəmli çalışmalarının ortaq Türk dilinin yaradılması, Türkdilli xalqların dilləri arasındakı əngəllərin aradan qaldırılaraq dillər arasındakı bağların gücləndirilməsi, əski Türk gələnəklərinin, mətbəxinin, musiqisinin, idman oyunlarının yaşadılması olduğunu nəzərə alan Selçuk Karakılıç Yunus Emre İnstitutunun Bakı bölməsi ilə “Çölçü” İB arasında əməkdaşlığın artırılması məsələlərinə diqqət çəkib.  
Müzakirələr zamanı  Eltən Törəçi  “Çölçü” İB-nin yarandığı gündən yeniyetmə və gənclər arasında gələnəksəl Türk oxçuluğunun təbliği və öyrədilməsi işlərindən danışaraq vurğuladı ki, ortak Türk dilinin yaradılması, Türk dilli xaqlların öz aralarında tərcüməçisiz, öz dillərində danışmaları üçün dillərini alınma sözlərdən arındırmaları gərəkir. Həmçinin qeyd edildi ki, “Çölçü” İB bu yöndə də işlər görür. 
Görülən işləri yüksək qiymətləndirən Selçuk Karakılıç  Yunus Emre İnstitutunun Bakı bölməsi ilə “Çölçü” İB  arasında gələcəkdə bu kimi işlərin birgə görülməsinin faydalı olacağını bildirdi. 
Görüşün sonunda xatirə şəkli çəkdirildi.

Nüşabə Baxşıyeva