Goranboy Rayon İcra Hakimiyyəti “Ərdağı” MMC ilə maliyyə dəyəri 455.448,66 AZN təşkil edən satınalma müqaviləsi imzalayacaq.
Den.az Valyuta.az-a istinadən xəbər verir ki, müqavilədə Goranboy şəhəri 58-ci kvartal, Şamil Quliyev, Əli Mehdiyev və Elxan Süleymanov küçələrində asfalt-beton örtüyünün əsaslı təmiri nəzərdə tutulur.
"Ərdağı” MMC 10 dekabr 1992-ci ildə təsis edilib. Nizamnamə kapitalı 10.6 AZN olan şirkətin hüquqi ünvanı Gəncə şəhəri, "Asfaltzavod”da yerləşir. MMC-nin qanuni təmsilçisi isə Məmmədov Nazim Fuad oğludur.
"Ərdağı” MMC 1992-ci ildən fəaliyyət göstərsə də, açıq mənbələrdə barəsində hər hansı məlumat yoxdur. Şirkətin əlaqə telefonları və rəsmi internet səhifəsinə də rast gəlinmir.
Goranboy Rayon İcra Hakimiyyəti və ona tabeli qurumlar 2020-2022-ci illərdə "Ərdağı” MMC ilə toplam dəyəri 3 milyon manata çatan 8 satınalma müqaviləsi imzalayıb. Müqavilərlər əsas abadlıq işləri və yolların təmiri ilə əlaqədardır. Beləliklə, aydın olur ki, Goranboyda hər il abadlıq işləri görülür və yollar təmir olunur.
Goranboy Rayon İcra Hakimiyyətinin başçısı Məhərrəm Quliyevdir. O, 2019-cu ildən bu vəzifədədir.
Goranboyda yarım milyonqluq təmir işi - Məhərrəm Quliyevin sevimli şirkəti yenə qalib oldu
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
