Goranboy rayonunda məktəbli qız evlənmək məqsədilə qaçırılıb.
“Den.az” xəbər verir ki, Goranboy şəhər 1 saylı tam orta məktəbin 10-cu sinif şagirdi, 2007-ci il təvəllüdlü qız Safikürd sakini 21 yaşlı Səbuhi Nağıyev tərəfindən qaçırılıb.
Hazırda qızın harada olmasa ilə bağlı dəqiq məlumat yoxdur.
Daxili İşlər Nazirliyinin (DİN) mətbuat xidmətinin Gəncə regional qrupunun baş inspektoru polis mayoru Eşqin Qasımov bildirib ki, məsələ ilə bağlı Goranboy Rayon Polis Şöbəsində araşdırma aparılır.
***
Ailə, Qadın və Uşaq Problemləri üzrə Dövlət Komitəsinin mətbuat katibi Teymur Mərdanoğlunun bildirdiyinə görə, Goranboyda ailə qurmaq məqsədilə qaçırılan 10-cu sinif şagirdi ata evinə qaytarılıb.
“Ailə, Qadın və Uşaq Problemləri üzrə Dövlət Komitəsinin Goranboy Uşaq və Ailələrə Dəstək Mərkəzi, Goranboy Rayon İcra Hakimiyyəti yanında Yetkinlik Yaşına Çatmayanların işləri və Hüquqlarının Müdafiəsi üzrə Komissiyanın və Goranboy rayon polis şöbəsinin əməkdaşları hər iki ailənin yaşadığı ünvanda olublar, fakt ətraflı araşdırılıb.
Daha sonra oğlan və yetkinlik yaşına çatmayan qız polis şöbəsinə aparılıb, izahatları alınıb. Hər iki ailəyə qanunvericiliyin tələbləri izah olunub. Hazırda istintaq bölməsində araşdırma aparılır. Məsələyə hüquqi qiymət veriləcək”.
Goranboyda qaçırılan qız evinə qaytarıldı - Yenilənib
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
