"Növbəti sertifikasiya imtahanlarının builki kimi ağrılı olmayacağını hesab edirəm".
Den.az Mətbuat.az-a istinadən xəbər verir ki, bunu elm və təhsil naziri Emin Əmrullayev deyib.
E.Əmrullayev vurğulayıb ki, bu il sertifikasiya imtahanları ibtidai sinif müəllimləri üçün humanist yanaşma əsasında tərtib olunub:
"Təbii ki, növbəti illərdə yeni standarlar da hazırlanacaq. Fərqli standartlar olsa da, bugünkü məzmunda elə də ciddi dəyişiklik olmayacaq. Bu gün əsas istəyimiz bütün müəllimlərin sertifikasiya prosesindən keçməsidir".
