Abşeronda bu qurumun yeni rəisi “qoçuluq” edir- ETİBAR NƏBİYEV İŞÇİLƏRDƏN NƏ İSTƏYİR?

Abşeronda su idarəsi işçilərinin təhqir edilərək isdən çıxarıldığı iddia olunur. Məhz buna görə, bir qrup əməkdaş idarə qarşısına toplaşaraq yeni rəisə öz etirazlarını bildiriblər.
 
İşdən çıxarıldığı iddia olunan şəxslərin sözlərinə görə, Abşeronda “İri Şəhərlərin Birləşmiş Su Təchizatı Xidməti” Publik Hüqüqi Şəxsi yaradıldıqdan sonra işçilərin kütləvi ixtisarı həyata keçirilib. Həm Abşeron su kanal idarəsi , həm də Goradil kəndində yerləşən Meliorasiya su təsərrüfatı idarəsindən bəzi işçilərə işdən çıxmaları ilə bağlı bildirişlər verilərək ərizələri alınıb. Etiraz edən işçilərin isə yeni təyin edilən idarə rəsi Etibar Nəbiyev tərəfindən təhqir edilərək işdən qovulduqları iddia olunur. 
 
Bildirilib ki, yeni təyin edilən rəis hətta işçilərə öz ixtisaslarına uyğun başqa iş axtarmalarını tövsiyyə edib. Abşeron su meliorasiya sistemləri idarəsində isə onlara iş yerinin olmadığı bildirilib.
 
“Azərbaycan Dövlət Su Ehtiyatları Agentliyinindən Den.az-a açıqlamada bildirilib ki, aparılan islahatlar idarəetmə sistemini təkmilləşdirmək, qurumların və işçi heyətinin fəaliyyətini optimallaşdırmaq, əmək resurslarından səmərəli istifadə etmək məqsədi daşıyır. İslahatlar çərçivəsində yeni struktur bölmələri formalaşdırılır, bəzi şöbələr birləşdirilir ki, bu da müasir tələblərə uyğun idarəetmə sisteminin qurulması nəticəsində səmərəliliyin artırılmasına xidmət edir. Qanunvericiliyin tələblərinə əsasən bu müddətdə bütün işçilərə bildirişlər təqdim olunur. Həmin bildirişlərdə ixtisasa uyğun münasib iş yeri müəyyən edilərsə, bu barədə əlavə məlumat veriləcəyi qeyd olunur. Növbəti mərhələdə ştat cədvəli, işçilərin ixtisasları və təcrübələri nəzərə alınmaqla onların yenidən işə qəbulu məsələsinə baxılır. Bu sırada ixtisara düşənlər də olur deyə ”-qurumdan məlumat verilib.