Bu il qış ayları nisbətən mülayim keçir.
Yəni əvvəlki illərlə müqayisədə havanın temperaturunun normanın üzərində olduğunu görürük. Həmçinin, qış ayları olmasına baxmayaraq, qar da yağmır. Hətta bu fəsildə havanın yağmurlu olduğu günlərin belə sayı kifayət qədər azdır.
Dekabr və yanvarda havanın mülayim keçməsindən sonra fevralda bizi nə gözlədiyi maraq doğurmağa başlayıb. Gələn ay bol miqdarda yağışın və hətta qarın yağıb-yağmayacağı isə maraqla gözlənilir.
Maraqlıdır, fevralda ölkəmizdə qar yağışı proqnozlaşdırılır?
Den.az xəbər verir ki, mövzu ilə bağlı "Biosfer" İctimai Birliyinin sədri Qorxmaz İbrahimli Hit.az-a açıqlama verib. O bildirib ki, ötən ilin oktyabr, noyabr və hətta dekabr aylarında Azərbaycanda yağışlı havanın olduğu günlərin çox olması yaxşı idi:
"Lakin təəssüf ki, ölkəmizdə dekabr və yanvar aylarında qar yağışı çox az oldu. Ümid edirəm ki, məmləkətimiz fevral ayında qarı görəcək. Yəni mən gələn ay qar yağışı gözləyirəm.
Yanvar ayı olduqca mülayim və quraq keçdi. Bu ayda ölkə üzrə yağıntının miqdarı da az oldu. Düzdür, Bakı, Quba, Xaçmaz və bəzi bölgələrə yağıntı düşdü. Lakin Aran rayonlarımızda yağıntı çox az oldu".
Mütəxəssis fevral ayından gözləntilər barədə də danışıb:
"Ölkəmizdə fevral ayının birinci 10 günlüyündə və sonuna doğru yağıntılı hava gözlənilir. Ümid edirəm ki, elə də olacaq. Ümumiyyətlə, ölkə üzrə qarın yağması çox yaxşı olar.
Çünki dağlarınızda qar ehtiyatı azdır. 2024-cü ilin əvvəlində və sonunda bir qədər yağıntılı hava oldu. Lakin 2025-ci ildə arzuladığımız qədər yağıntılı hava şəraiti olmayıb. Lakin fevral ayında bunu görəcəyimiz proqnozlaşdırılır". /News24.az
Bakıya qar yağacaq - Tarix AÇIQLANDI
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
