Bakının Sabunçu qəsəbəsində "Stansiyanın yanı, 32" adlanan ünvanda yerləşən bir əsrlik tarixə malik bina sökülə bilər.
Den.az Trend-ə istinadən xəbər verir ki, binanın qəzalı vəziyyətdə olması təsdiq edilib.
Məsələ ilə bağlı Sabunçu Rayon İcra Hakmiyyətindən bildirilib ki, Sabunçu rayonu, Sabunçu qəsəbəsi, Ə.Məmmədəliyev (keçmiş Stansiyayanı) küçəsi, ev 32 ünvanında yerləşən, 2 mərtəbəli, 3 girişli, 22 mənzilli yaşayış binası 1898-ci ildə inşa olunub.
Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin “Azərdövlətlayihə” Dövlət Baş Layihə İnstitutu tərəfindən tərtib olunmuş 17 noyabr 2015-ci il tarixli aktla həmin binanın texniki cəhətdən qəzalı olduğu müəyyən edilib və istismar üçün təhlükəli hesab olunub.
Bununla bağlı Bakı Şəhər İcra Hakimiyyəti başçısının “Bakı şəhərində qəzalı vəziyyətdə olan çoxmənzilli yaşayış binalarının inventarizasiya edilməsi və bu binalarda yaşayan sakinlərin təhlükəsizliyinin təmin edilməsi” haqqında 25 aprel 2022-ci il tarixli, 96 saylı sərəncamına əsasən, sözügedən binanın texniki göstəriciləri haqqında məlumatlar aidiyyəti üzrə təqdim olunub.
Bakıda 1 əsrlik bina sökülür
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
