Xəbər verdiyimiz kimi, Prezident İlham Əliyevin iştirakı ilə Kənd Təsərrüfatı Nazirliyinin yeni binasının açılışı olub.
Den.az xəbər verir ki, bina 215 otaqdan ibarətdir. Bura nazirliyin işçiləri ilə bərabər Aqrar Kredit və İnkişaf Agentliyi, Aqrar Tədqiqatlar Mərkəzi, Aqrar İnnovasiya Mərkəzi və Aqrar İnkişaf Könüllüləri olmaqla 500-ə yaxın əməkdaşın fəaliyyəti üçün nəzərdə tutulub.
Binada nazirliyin Elektron İdarəetmə Mərkəzi üçün xüsusi otaq, hər cür şəraitə malik və müasir multimedia vasitələri ilə təchiz olunan konfrans və iclas zalları, həmçinin müxtəlif təyinatlı iclas otaqları, yeməkxana var.
Ərazidə 170 avtomobil yerlik dayanacaq yaradılıb.
Qeyd edək ki, yeni bina Xətai metrosunun yaxınlığında, Ağ Şəhər ərazisində yerləşir.
