Maliyyə Nazirliyinin saytında dərc olunan 2024-2027-ci illər üçün büdcə proqnozlarına əsasən, 2027-ci ildə Azərbaycanda orta aylıq əmək 1153 manata çatacaq. Bu ilin yekunları üzrə isə orta aylıq əməkhaqqının 930 manat səviyyəsində olmasıgözlənilir.
Beləliklə, 2027-ci ildə orta aylıq nominal əməkhaqqının artımı cari illə müqayisədə 24% təşkil edəcək.
2024-cü il üçün orta aylıq əməkhaqqı 980 manat, 2025-ci ildə - 1038 manat, 2026-cı ildə - 1095,4 manat səviyyəsində proqnozlaşdırılır. 2023-2027-ci illərdə Azərbaycanda əhalinin nominal pul gəlirləri də artacaq. Maaşlar nə qədər artacaq? Mövzu ilə bağlı fikirlərini Bizim.Media-ya açıqlayan Milli Məclisin deputatı Aydın Hüseynov bildirib ki, Maliyyə Nazirliyinin proqnozlarına əsasən, 2027-ci ilə qədər dövlət büdcəsində 5 fazilik artımın olması nəzərdə tutulub:
“Burdan da aydın olur ki, büdcəmizin artması nəticəsində ilk növbədə sosial xərclərə əhəmiyyət verilir. Ona görə ki, sosial siyasət hökumətin əsas prioritet məsələlərindən biridir. Bu baxımdan da əmək haqlarının artırılması mümkün olacaq və bu, 2027-ci ilə qədər reallaşacaq”.
Bəs əməkhaqlarının artırılması inflyasiyaya necə təsir göstərəcək?
Hər il Azərbaycanda inflyasiya həddi qədər əmək haqqının artırıldığını söyləyən deputat, bu il inflyasiyanın 6 faiz həcmində proqnozlaşdırıldığını vurğulayıb:
“Hökumət də buna uyğun olaraq, sosial siyasət həyata keçirir və bahalaşmanın əhalinin gəlirlərinə təsir etməməsinə və şəffaflığın təmin olunmasına çalışır. Üstəlik, bunun qarşısının alınması üçün inzibati tədbirlər görülür. Digər tərəfdən isə dövlət ehtiyatların yaradılması vasitəsilə vətəndaşların həyati əhəmiyyətli xərclərini limitləyir və məhsulların kəskin bahalaşmasının qarşısının alınması üçün tədbirlər görür”.
Maaşlar artırılacaq - ŞAD XƏBƏR
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
