Kikboksinq üzrə məşqçi olmuş Nurani Qalabəylinin qətlində təqsirləndirilən həyat yoldaşı Əfsanə Qalabəylinin cinayət işi üzrə məhkəmənin növbəti prosesi keçirilib.
Bakı Ağır Cinayətlər Məhkəməsində hakim Siyavuş Hacıyevin sədrliyi keçirilən iclasda prokuror vəsatət qaldırıb.
Prokuror təqsirləndirilən Əfsanə Qalabəylinin psixi durumu ilə bağlı iki rəy olduğunu və bu rəylərin bir-biri ilə ziddiyət təşkil etdiyini deyib. Buna görə təkrar ekspertiza keçirilməsinə ehtiyac olduğunu bildirib.
Təqsirləndirən şəxs Ə.Qalabəylinin vəkili yeni bir ekspertizanın keçirilməsinə ehtiyac olmadığını bildirib.
Məhkəmə prokurorun vəsatətini təmin edib.
Növbəti məhkəmə prosesi qeyri-müəyyən vaxta təxirə salınıb.
Qeyd edək ki, hadisə ötən ilin sentyabrında paytaxtın Xətai rayonu ərazisində qeydə alınıb. Əfsanə Qalabəyli şəxsi münasibətlər zəminində aralarında yaranan münaqişə zamanı həyat yoldaşı, Nurani Qalabəylini yaşadığı mənzildə bıçaqla qətlə yetirməkdə şübhəli bilinir.
Ə.Qalabəyliyə qarşı Cinayət Məcəlləsinin 120.1-ci (qəsdən adam öldürmə) maddəsi ilə ittiham elan olunub.
Xatırladaq ki, Nurani Qalabəyli “Sərhədçi” idman kompleksində kikboksinq üzrə məşqçi işləyib.
İdmançı ərinin qətlinə görə tutulan qadından xəbər var
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
