Sumqayıt şəhəri ərazisində sanitariya-gigiyena qaydalarının təmin olunması istiqamətində tədbirlər davam etdirilir.
Sumqayıt Şəhər Polis İdarəsindən Den.az-a verilən məlumata görə, Polis İdarəsinin İctimai Təhlükəsizlik Şöbəsinin, eləcə də Ekologiya və Təbii Sərvətlər Nazirliyinin əməkdaşlarının sanitariya-gigiyena qaydalarının pozulması hallarının qarşısının alınması məqsədilə birgə keçirdikləri tədbirlər zamanı bir sıra vəzifəli şəxslər tərəfindən sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi faktları aşkar olunmuşdur.
Aşkar edilmiş neqativ hallarla bağlı Azərbaycan Respublikası İnzibati Xətalar Məcəlləsinin 266.2 və 271-ci maddələrinin tələblərini pozduqlarına görə 12 nəfər şəxs barəsində inzibati protokol tərtib edilməklə müvafiq inzibati tənbeh tədbirləri həyata keçirilmişdir.
Bu istiqamətdə tədbirlər davam etdirilir.
