İsmayıl Haniyənin ölüm gecəsi nə baş verib? – Təfərrüat

HƏMAS-ın İrandakı nümayəndəsi Xalid Əl-Kadumi İsmayıl Haniyənin ölüm gecəsi ilə bağlı yeni təfərrüatları açıqlayıb.

Den.az lent.az-a istinadən bildirir ki, Əl-Qadumi “Əl-Ərəbi əl-Cədid” qəzetinə müsahibəsində Haniyənin bomba partlaması nəticəsində ölməsi xəbərini təkzib edib.

O deyib: “Saat 1:37-də bina silkələndi. Dərhal otaqdan çıxdım və qalın tüstü gördüm. Bundan sonra anladım ki, Haniyə ölüb”.

Xalid Əl-Qadumi sözünə davam edib: “Binanın silkələnməsinin gücü məni zəlzələ və ya ildırım və şimşək çaxdığını düşünməyə vadar etdi. Pəncərəni açdım, nə yağış, nə ildırım, nə də şimşək. Hava isti idi; şəhid otağının yerləşdiyi dördüncü mərtəbəyə qalxdıq. Baxdım ki, otağın divarı, tavanı uçub. Hücum yerinin vəziyyətindən və Haniyənin bədənindən aydın görünürdü ki, hücum havadan raket və ya mərmi ilə həyata keçirilib. İranda texniki və xüsusi qruplar araşdırma aparır və nəticələr daha sonra açıqlanacaq”.

Əl-Kadumi Amerika və İsrail qəzetlərinin şəhid Həniyənin yatağının altına bomba qoyulması ilə bağlı “yanıltıcı rəvayətləri” tənqid edərək vurğulayıb: “Yerdəki reallıqlar bu hekayələrlə ziddiyyət təşkil edir. Bu rəvayətlərin və bəyanatların məqsədi bu cinayətin nəticələrinin onun üzərinə düşməməsi üçün birbaşa məsuliyyəti İsraildən götürməkdir”.