“Müxtəlif malların, nəqliyyat vasitələrinin və insanların Ermənistan ərazisindən təhlükəsiz keçməsini təmin etməyə hazırıq”.
Den.az xəbər verir ki, bunu Ermənistanın Baş naziri Nikol Paşinyan deyib.
O bildirib ki, bu il Ermənistan-Azərbaycan dövlət sərhədinin delimitasiyası prosesində nəzərəçarpacaq irəliləyiş qeydə alınıb.
"Digər mühüm hadisə isə bu il avqustun 30-da Ermənistan ilə Azərbaycan arasında dövlət sərhədinin delimitasiyası üzrə Komissiyaların birgə fəaliyyəti haqqında Əsasnamənin imzalanması olub. Həm Ermənistan, həm də Azərbaycan son aylarda “sülhün və dövlətlərarası münasibətlərin qurulması haqqında” saziş layihəsinin ən azı 80 faiz razılaşdırıldığını bəyan edib. Bu yaxınlarda Ermənistan və Azərbaycanın xarici işlər nazirləri formatında sülh müqaviləsi layihəsinin təsdiqini başa çatdırmaq üçün işlərin intensivləşdirilməsi barədə razılıq əldə olunub.Amma istənilən halda bütün suallara cavab verən və ikitərəfli münasibətlərin bütün aspektlərini tənzimləyən Sülh Müqaviləsi hazırlamaq mümkün deyil. Ermənistan və Azərbaycan arasında sülh müqaviləsi nə olursa-olsun razılaşdırılmalı və imzalanmalıdır. Üstəlik, imzalanmış və ratifikasiya edilmiş sülh müqaviləsi olduqda, digər mümkün məsələlərin həlli xeyli asanlaşacaq və regionda vəziyyət fərqli olacaq”, – deyə Paşinyan vurğulayıb.
Günəş Fərəh
Den.az
"Nəqliyyatın və insanların Ermənistan ərazisindən təhlükəsiz keçməsini təmin etməyə hazırıq” - Paşinyan
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
