Yaponiyada aparılan araşdırmalar göstərib ki, yatmazdan əvvəl dişləri fırçalamamaq ürək xəstəliyi riskini artırır.
Den.az xəbər verir ki, bu barədə məlumat "News Medical" jurnalında dərc olunub.
Araşdırma çərçivəsində 2013-2016-cı illər arasında Yaponiyanın Osaka Universitet Xəstəxanasında yatan xəstələrdən 1675 xəstə seçilib.
İştirakçılar dişlərini gündə iki dəfə səhər və axşam fırçalayanlar, yalnız gecə dişlərini fırçalayanlar, yalnız səhər dişlərini fırçalayanlar və ümumiyyətlə dişlərini fırçalamayanlar olaraq dörd qrupa bölünüblər.
Tədqiqatçılar iştirakçıların yaşını, cinsini,siqaret tarixçəsini də nəzərə alıb. Bundan əlavə, iştirakçıların sağlamlıq qeydləri dörd müstəqil tədqiqatçı tərəfindən retrospektiv olaraq nəzərdən keçirilib.
Tədqiqat ürək çatışmazlığı, ürək ritminin pozulması, infarkt, sinə ağrısı, ürək qapağı və cərrahiyyə tələb edən aorta xəstəlikləri kimi ürək-damar xəstəlikləri üzərində cəmlənib.
Gündə iki dəfə dişlərini fırçalayanların və yalnız gecə fırçalayanların ürək-damar xəstəliklərindən sağ qalma (təxmini) nisbətləri ümumiyyətlə fırçalamayanlara nisbətən əhəmiyyətli dərəcədə yüksək olub.
Araşdırmanın nəticələri dişləri yalnız səhər fırçalamağın qeyri-kafi olduğunu və gecə fırçalamanın sağlamlıq üçün əhəmiyyətli olduğunu ortaya qoyub.
Bunu etməmək ürək xəstəliyi riskini artıra bilər
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
