Ermənistan Azərbaycan tərəfinin sülh müqaviləsi layihəsi ilə bağlı son təkliflərinə cavabını əvvəlkiylə müqayisədə çox gecikdirmədi. Rəsmi Bakı sülh müqaviləsi layihəsinə dair təkliflərin səkkizinci variantını fevralın 21-də İrəvana göndərib. Rəsmi İrəvan Bakının təkliflərinə təxminən 46 gün sonra cavab verib.
Bu barədə "Den.az"a politoloq Elxan Şahinoğlu deyib.
“Bu qədər vaxt sərf etmələrinin əsas səbəbi İrəvanın sülh müqaviləsini sərhədlərin müəyyənləşməsiylə əlaqələndirməsidir. Halbuki ərazi bütövlüklərinin qarşılıqlı tanınmasıyla sülh müqaviləsinin imzalanması mümkündür, sadəcə İrəvan bu sazişlə əldə edəcəyi nəticəni maksimuma qaldırmaq istəyir. Bu isə mümkün deyil. Sərhədlərin müəyyənləşməsi uzun prosesdir, sülh müqaviləsinin imzalanmasından sonra da danışıqlar davam edəcək. Buna baxmayaraq, rəsmi İrəvan müqavimətini davam etdirir, 4 kəndin qaytarılmasını da gecikdirir. Bu isə bölgədə gərginliyi artırır”.
Qeyd edək ki, Ermənistan XİN rəsmisi Azərbaycanın sülh müqaviləsi layihəsi təklifinə İrəvanın bu gün cavab verdiyini açıqlayıb.
Günəş Fərəh,
Den.az
Bakının sülh sazişi təkliflərinə İrəvanın cavabı gecikmədi - Nə baş verir?
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
