Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Bakıda keçirilən “Dekolonizasiya: Qadınların gücləndirilməsi və inkişaf” mövzusunda beynəlxalq konfransı çərçivəsində xarici jurnalistlərin suallarını cavablandırıb. H.Hacıyevin verdiyi cavablar bir neçə istiqamətdə olsa da, daha çox mövcud Ermənistan-Azərbaycan sülh prosesi və ABŞ, Qərbin buna müdaxiləsinə həsr edilmişdi. Misal üçün H.Hacıyev deyib ki, “Ermənistanla Azərbaycan arasında sülh müqaviləsinin imzalanması təşəbbüsü ilə məhz Azərbaycan çıxış edib”.
Mövzunu "Den.az"a şərh edən politoloq Turan Rzayev bildirib ki, prinsip etibarilə Bakı sülhün əleyhinə deyil: "Əksinə H.Hacıyevin dediyi kimi, sülh təklifini məhz Azərbaycan edib. Rəsmi Bakı Qarabağı işğaldan azad edib, yeni status-kvo yaranıb. H.Hacıyev deyib ki, sülh müqaviləsinin imzalanmasında hansısa maneə yoxdur. Bu onu deməyə əsas verir ki, Azərbaycan sülhün əldə edilməsini istəyir. Xüsusilə ortada bir sülh sənədi var ikən bu, mümkündür. Tərəflər bir müddətdir sülh sənədini müəyyən düzəlişlərlə bir-birinə göndərir. Son olaraq rəsmi İrəvan sülh sazişi üzrə altıncı təkliflər paketini Bakıya təqdim etdiyini açıqlayıb".
Politoloqun sözlərinə görə, əslində, hazırda danışıqlar masasında sülh sənədinin olması barışığa inamı artırır: "Lakin burada əsas problemli məqam Ermənistanı sülhdən yayındıran ABŞ və Qərbdir. H.Hacıyevin dediyi kimi, Ermənistan anlamalıdır ki, sülhün kökləri Vaşinqtonda yox, regiondadır. Azərbaycanın məsələyə yanaşması açıq-aydındır. Rəsmi Bakı Ermənistan-Azərbaycan münaqişəsini Cənubi Qafqaz problemi kimi görür və buna görə də həlli üçün regional platformanı təklif edir. Prezident İlham Əliyevin təklif etdiyi “Tiflis platforması” bu baxımdan ən idealıdır. Vaşinqton, Brüssel platformaları rəsmi Bakını qane etmir. Bundan başqa, adıçəkilən platformalar problemi həll etmək iqtidarında deyil. H.Hacıyevin vurğuladığı kimi, Ermənistan regionda pozitiv gündəmlə çıxış edəcəyi təqdirdə münasibətlər normallaşa bilər.
Günəş Fərəh,
Den.az
Yalnız bu halda Ermənistanla münasibətlər normallaşa bilər - İLGİNC DETALLAR
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
