"O, təkcə yaxşı namizəd deyil, həm də ən səriştəli siyasətçilərdən biridir..."

"Qlobal siyasətin getdikcə daha qeyri-sabit və mürəkkəb olduğu dönəmdə onun daxili və xarici siyasət sahəsində geniş təcrübəsi əvəzsizdir..."
 
Baydeni kim əvəzləyəcək?
 
Donald Trampın seçkiöncəki qərargahının müşaviri Ceyson Miller iddia edir ki, demokratlar prezidentliyə namizəd kimi Co Baydenin əvəzinə Hillari Klintonu hazırlayır.
 
Den.az xəbər verir ki, bu barədə o, "X" sosial şəbəkədə dərc etdiyi postunda yazıb.
 
"O, namizədliyini irəli sürəcək! Belə məqalələr səbəbsiz olmur, dələduzlar iş başındadır! "İkinci tura hazırlıq: nədən Hillari bizə həmişəkindən daha çox lazımdır", - Miller "Hill" nəşrində bu başlıqda dərc edilmiş məqaləni şərh edib.
 
"Prezident Co Baydenin demokratların 2024-cü ildə namizədi kimi əvəzlənməsinə çıxanların ən gücü dəlili belə bir fikirdən ibarətdir ki, uyğun  gələn namizəd mövcud deyil. Amma belə bir namizəd var və o, bu posta irəli sürülən ən səriştəli siyasətçilərindən biridir. Bu, Hillari Rodem Klintondur", - "Hill" yazıb.
 
"Klinton həm Bayden, həm də Trampdan yaşca kiçikdir. Yaş ətrafında indiki ajiotajı nəzərə alaraq bunun əhəmiyyəti az deyil, enerji və dözümlülük qabiliyyətə bərabərdir", - məqalə müəllifi Pablo O'Xana yazıb.
 
Pablo O'Xana Böyük Britaniyanın o cümlədən baş nazir, dövlət katibləri, nazirlər və liberal-demokratlar daxil olmaqla görkəmli siyasi xadimlərinə xidmət edən baş siyasi texnoloq və siyasi icmalçıdır.
 
"Klinton hazır namizəddir. O, geniş erudisiyaya və böyük təcrübəyə malikdir. O, ABŞ Dövlət katibi və senatordan birinci xanım və Uşaqların müdafiəsi Fondunun vəkilinədək oynadığı rolları ardıcıl olaraq yenidən dərk edib. 
 
"Qlobal siyasətin getdikcə daha qeyri-sabit və mürəkkəb olduğu dönəmdə onun daxili və xarici işlər sahəsində geniş təcrübəsi nəinki heyrət doğurandır, həm də
əvəzsizdir. 
 
Onun uşaqların hüquqlarını qorunması və sağlamlığa qayğısı pandemiyadan sonra getdikcə daha böyük əhəmiyyət kəsb edir, bu da onun cazibəsini daha da artırır", - Pablo O'Xana qeyd edib.
 
O, əmin edib ki, ABŞ-da milyonlarla seçici var ki, geriyə boylanaraq 2016-cı ildə Trampla birlikdə prezident seçkilərində iştirak edən Klintona dəstək vermədiklərinə görə təəssüf hissi keçirir.
 
"Bayden üçün fəlakətli debatlardan sonra dərc edilən sorğunun nəticələrinə görə, Klinton Trampla mübarizədə 41 faizə qarşı 43 faizlə artıq favoritdir", - icmalçı qeyd edib.
 
"Bundan başqa, onun ölkənin ilk qadın prezidnti olmaq kimi tarixi potensialı var, təəssüf ki, buna hələlik heç kim nail ola bilməyib", - o, əlavə edib.