Braziliya Prezidenti Lula da Silva noyabrda Bakıda keçiriləcək COP29 iqlim sammitində iştirak edə bilməyəcək.
“Den.az” “Reuters” agentliyinə istinadən xəbər verir ki, bu barədə məlumatı Braziliya liderinin ofisi yayıb.
Bildirilib ki, buna səbəb onun bir müddət əvvəl başının arxasından zədə almasıdır.
Həkimlərin tövsiyəsinə uyğun olaraq, Lula da Silvanın BMT-nin hazırda Kolumbiyada keçirilən COP16 və gələn ay Bakıdakı COP29 sammitlərində iştirakı baş tutmayacaq. Onun vəziyyətinin hazırda stabil olduğu qeyd olunub.
Xatırladaq ki, 78 yaşlı Braziliya lideri ötən həftə öz iqamətgahında hamam otağında yıxılıb və boynundan zədə alıb. Həkimlər onun boynuna üç tikiş qoyduqdan sonra ambulator müalicə üçün evə buraxıb. Lula da Silva bu zədə səbəbindən Rusiyaya səfərini də təxirə salmalı olmuşdu. Belə ki, o, oktyabrın 21-dən 24-nə qədər Kazanda keçirilən BRICS smmitində iştirak etməli idi.
Braziliya prezidenti Bakıya da gələ bilməyəcək
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
