“Ermənistan Avropa İttifaqına daxil olarsa, bir çox imtiyazlarını itirəcək, çünki Avrasiya İqtisadi İttifaqından (Aİİ) çıxmalı olacaq”.
“Den.az” TASS-a istinadən xəbər verir ki, bu sözləri Rusiya Təhlükəsizlik Şurasının katibi Sergey Şoyqu deyib.
Şoyqu bildirib ki, Aİİ-dən Avropa İttifaqına üzvlüklə bağlı danışıqlar prosesi mərhələsində çıxmaq Ermənistana ÜDM-nin 30-40%-nə başa gələcək: “Bu, ölkə iqtisadiyyatına ziyan vuracaq. İstehsalın azalması, əmək bazarının daralması, işsizliyin və inflyasiyanın artması həyat səviyyəsinin kəskin şəkildə aşağı düşməsinə səbəb olacaq. Eyni zamanda, İrəvan Avropa iqtisadiyyatının vəziyyətini nəzərə alaraq Aİ-nin subsidiyalarına bel bağlamamalıdır”.
Onun sözlərinə görə, avrointeqrasiya perspektivi müqabilində Ermənistan vətəndaşları Aİİ-nin vahid əmək bazarının verdiyi imtiyazlardan, o cümlədən icazəsiz məşğulluqdan, sadələşdirilmiş qeydiyyatdan, pulsuz tibbi xidmətdən, pulsuz təhsildən və s. imtina etməli olacaqlar.
Şoyqu xatırladıb ki, Rusiyadan Ermənistana pul köçürmələri ölkənin ÜDM-nin təxminən 15%-ni təmin edir: “Əhəmiyyətli payı Rusiyada işləyən Ermənistan vətəndaşlarının köçürmələri təşkil edir. Çoxlarının vətənlərinə qayıtmalı olacağını və Avropada onların xoş qarşılanmadığını nəzərə alsaq, biz əminliklə deyə bilərik ki, xaricdən Ermənistan iqtisadiyyatına pul axını kifayət qədər azalacaq. Bundan əlavə, Ermənistan Aİ tələblərinə cavab vermək üçün bütün standartlar və sertifikatlaşdırma sistemini yenidən qurmalı olacaq. Praktikada bu, minimumda durğunluq, maksimumda isə mövcud sənayenin, o cümlədən metallurgiya, yeyinti və yüngül sənayenin məhv edilməsi deməkdir. Oxşar mənzərəni artıq Baltikyanı respublikaların timsalında da müşahidə etmək olar. Ukrayna da bir vaxtlar bundan əziyyət çəkdi. O zaman Ukrayna qanunvericiliyinin Aİ-nin hüquqi normalarına, o cümlədən üçüncü enerji paketinə uyğunlaşdırılması sənaye istehsalının və enerjinin deqradasiyasına gətirib çıxardı”.
Bundan əlavə, Şoyqunun sözlərinə görə, Ermənistan Rusiyadan və digər Aİİ ölkələrindən idxal edilən mallara gömrük rüsumları tətbiq etməyə və müvafiq olaraq Aİ ölkələrindən gələn mallara rüsumları ləğv etməyə məcbur olacaq: “Təbii ki, bundan sonra Aİİ ölkələri ilə gömrük ittifaqı və azad ticarətdən söhbət getməyəcək. Biz də MDB-nin azad ticarət zonasını tərk etməli olacağıq. Ermənistanın Aİİ ölkələri ilə ticarət dövriyyəsi 2024-cü ildə 12,7 milyard dollar, Aİ ölkələri ilə isə 2,3 milyard dollar təşkil edib. Fərq təxminən 6 dəfədir azdır”.
O vurğulayıb ki, Ermənistan ixrac istiqamətlərini dəyişə bilməyəcək, çünki erməni malları Avropada xoş qarşılanmır: “Çox yüksək fitosanitar, baytarlıq və digər tələblər də daxil olmaqla, Qərb bazarlarına çıxmaq və orada möhkəmlənmək olduqca çətin məsələdir”.
Şoyqudan Ermənistana ciddi - Xəbərdarlıq
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
