Ermənistanın daxilində ölkənin xarici siyasət kursu ilə bağlı qızğın müzakirələr davam edir. Son günlər baş nazir Nikol Paşinyanın Rusiyadan uzaqlaşaraq, Qərbə üz tutması ciddi tənqidə məruz qalır. Bildirilir ki, bu, yanlış və riskli siyasətdir.
Den.az xəbər verir ki, bu fikirdə onlardan biri də erməni politoloq Vahe Ovannisyandır. O deyib ki, Ermənistan hökuməti hazırkı xarici siyasətini davam etdirsə, ən pis ssenarilər gerçəkləşəcək.
“Moskva ilə dərin iqtisadi əlaqələri və Ermənistanın Avrasiya İqtisadi İttifaqına (Aİİ) üzvlüyü sayəsində iqtisadi yüksəlişini nəzərə alaraq, hakimiyyət gec-tez xarici siyasətinə Rusiyayönlü çalarlar daxil etməyə başlayacaq. Rusiyanın Ermənistanın ən nüfuzlu müttəfiqi olduğu bir şəraitdə ölkənin yüksək vəzifəli şəxsləri Avropanı gəzə, sonra yenidən Rusiyaya “qayıda” bilərlər. Ermənistan Avropa İttifaqına dəvət olunmayıb və orada xoş qarşılanmır. Üstəlik, baş nazir Aİ-yə üzvlüklə bağlı referendum keçirməyin yersiz olduğunu bəyan edəndə, bunu başa düşür. Əgər hakimiyyət Avropaya getmək istəmirsə və referendum keçirilmirsə, onda niyə Təhlükəsizlik Şurasının katibi və ya digər rəsmilər Rusiya ilə münasibətləri gərginləşdirirlər. Bu, Ermənistanı çox təhlükəli bir ölkəyə çevirə bilər. Xalqa rəhm edin!”, – Ovannisyan bildirib.
Politoloqun sözlərinə görə, 2020-ci ildən sonra Qərb Ermənistana ciddi mesajlar verdi ki, KTMT-dən çıxmaq mövzusunu bağlasın:
“Çünki heç kim nə təhlükəsizlik zəmanəti verir, nə də bizi NATO-ya dəvət edir. Ermənistan hakimiyyəti isə bu mesajlardan nəticə çıxarmaq əvəzinə KTMT ilə münaqişəyə girərək münasibətləri dondurub. Ölkəmizin nə rəsmi, nə xarici siyasəti, nə strateji maraqları, nə də orta müddətli planlaşdırması var. Ermənistan indi həm müttəfiqlər, həm də opponentlər üçün gözlənilməz tərəfdaşdır. Və hökumət bu yolla getməyə davam edərsə, ən pis ssenariyə hazır olmalıdır. Ermənistan-İran sərhədi kəsilsə, biz yaşaması mümkün olmayan dövlətə çevriləcəyik”, – deyə Ovannisyan vurğulayıb.
Günəş Fərəh
Den.az
"Rusiya ilə münasibətləri gərginləşdirirlər, xalqa rəhm edin" - Ovannisyan
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
