Azərbaycana aid bəzi məqalalər "Vikipedia"dan silinir.
Den.az xəbər verir ki, azad virtual ensiklopediya sayılan "Vikipedia"nın yaşı az olsa da, hal-hazırda dünyanın ən populyar 5 internet saytından biridir. Demək olar ki, hər ölkənin dilinə uyğun "Vikipedia" var. Bu saytda məqalələr də müxtəlif dillərdə yayınlanır. Hazırda Azərbaycan bölməsində də 14 idarəçi var. Bu idarəçilər saytın qaydalarının pozulmamasına nəzarət etməklə yanaşı, həm də insanların yaratdığı məqalələrin mahiyyətə və həqiqətə nə qədər uyğun olub-olmamasına diqqət yetirirlər. "Vikipedia"nın Azərbaycan dilli bölməsində ölkəmizlə bağlı kifayət qədər məqalə olsa da, digər dillərdəki bölmələrdə azlıq təşkil edir. Bu da azmış kimi son vaxtlarda saytın digər dillərdəki versiyalarında Azərbaycanla bağlı məqalələr silinməyə başlayıb.
Mütəxəssislər bildirir ki, silinən məqalələrin çoxu Azərbaycan tarixi, xüsusən də Qarabağla bağlıdır. Bu cür məqalələrin silinməsi və ya bəzən məlumatların təhrif olunması onu deməyə əsas verir ki, bu işdə ermənilərin əsas rol oynadığı danılmazdır.
Elvin Abbasov deyir ki, "Vikipedia"nın xarici dillərdəki bölmələrində Azərbaycanla bağlı bəzi məqalələrin silinməsində təkcə ermənilər yox, digər idarəçilər də rol oynayır. Bunların arasında xaricdə yaşayan bəzi azərbaycanlılar da var.
Hazırda Azərbaycandilli "Vikipedia"da 273 min istifadəçi var və orada 195 min məqalə yerləşdirilib.
Xezerxeber.az-ın mövzu ilə bağlı daha ətraflı videomaterialını təqdim edirik:
Vikipedia Qarabağa aid MƏLUMATLARI SİLİR VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
