ŞƏHİDİN CİBİNDƏN ÇIXAN KAĞIZDA NƏ YAZILMIŞDI? Ruhu bizi tək buraxmır…VİDEOREPORTAJ

Hər gün onunla salamlaşıram. İşə gedəndə, işdən qayıdanda onunla salamlaşmadan keçə bilmirəm. Elə bilirəm məni görür və deyir,ANA…

Ruhu bizi heç vaxt tək buraxmır. Paltarlarını hər gün iynəyirəm. Elə bilirəm yanımızdadı. Mən bu həyatı yaşamağa məcburam.

“Den.az” xəbər verir ki, bu sözləri Azərbaycan Silahlı Qüvvələrinin baş leytenantı, Vətən müharibəsi veteran, 2022-ci il sentyabrın 12-dən 13-nə keçən gecə Ermənistan Silahlı Qüvvələrinin Kəlbəcər rayonu istiqamətində, Azərbaycan-Ermənistan sərhədində Azərbaycan Ordusuna qarşı törətdiyi təxribat nəticəsində şəhid olan Hüseyn Nəcəfzadənin anası Könül Nəcəfova deyib.

Sentyabr ayı onlar üçün ən ağır aylardan biridir. Çünki, dağ kimi övladı Vətənə qurban veriblər. Qürurludurlar. 

Tez tez məzarını ziyarət edirlər. Saray şəhidlər xiyabanında Hüseylə bərabər uyuyan bütün şəhidlərə dualar edirlər.

Atası Abbasqulu Nəcəfov deyib ki, ürəkdən sevindiyim gün,onun nişan günü olub. Onunlada bitib…

Bəs onun cibindən çıxan kağız parçasında nə yazılmışdı? O gündən sonra ruhu valideynlərini niyə tək buraxmadı?

“Den.az”  əməkdaşlarının hazırladığı videoreportajı sizə təqdim edirik: