İcbari tibbi sığorta üzrə Xidmətlər Zərfinə qaraciyər və böyrək transplantasiyasını, sümük iliyi və ya hematopoetik kök hüceyrələrin transplantasiyasını tələb edən tibbi xidmətlərin göstərilməsi şərtləri də daxil edilib.
Burada xüsusi diqqəti çəkən isə sümük iliyi transplantasiyasıdır.
Bəs görəsən, bu əməliyyat üçün nələr tələb olunur, xəstələr hansı meyarlarla seçilirlər?
Den.az-ın məlumatına görə,məsələ ilə bağlı İcbari Tibbi Sığorta üzrə Dövlət Agentliyindən “Yeni Sabah”ın sorğusuna cavab olaraq bildirilib ki, Xidmətlər Zərfinə daxil olan tibbi xidmətlərin adları, tarifləri, azadolma məbləği artıq təsdiq olunub:
“Nazirlər Kabinetinin 4 avqust 2023-cü il tarixli 263 nömrəli Qərarına əsasən, qaraciyər, böyrək, sümük iliyi və hematopoetik kök hüceyrələrin transplantasiyası tibbi göstərişi olan, müalicə protokolları və kliniki tövsiyələr əsasında diaqnozu təsdiqlənmiş sığortaolunanlara şamil edilir. Transplantasiya xidmətlərinin göstərilməsi “İnsan orqan və toxumalarının donorluğu və transplantasiyası haqqında” Qanunun tələblərinə uyğun həyata keçirilir.
Məlumat üçün bildirək ki, İcbari Tibbi Sığorta üzrə Dövlət Agentliyi tərəfindən Xidmətlər Zərfi ilə təminata alınmış orqan transplantasiyası üzrə tibbi xidmətlərin maliyyələşməsi həyata keçirilir. Belə ki, həyata keçirilən əməliyyatlar üzrə tariflər müvafiq tibb müəssisəsinə ödənilir. “Donor orqanların götürülməsi, hazırlanması, saxlanması, daşınması, idxalı və ixracını həyata keçirən tibb müəssisələrinin Siyahısı” ilə https://e-qanun.az/framework/48132 linkinə daxil olaraq tanış ola bilərsiniz.
Nazirlər Kabinetinin 06 avqust 2022-ci il tarixli 288 nömrəli Qərarına əsasən, orqan donorluğu və transplantasiyanın təşkili və əlaqələndirilməsini həyata keçirən qurum Səhiyyə Nazirliyinin tabeliyində “Orqan Donorluğu və Transplantasiyası üzrə Koordinasiya Mərkəzi”dir.
Koordinasiya Mərkəzi bu sahədə fəaliyyəti təşkil edir, əlaqələndirir, orqan donorluğu və transplantasiyasını həyata keçirən tibb müəssisələrinin işini koordinasiya edir, bu sahədə vahid uçot aparır və informasiya təminatını təşkil edir. Qurumun fəaliyyəti ilə ətraflı linkə keçid edərək tanış ola bilərsiniz: https://e-qanun.az/framework/51154
Orqan transplantasiyası ilə bağlı ətraflı məlumat əldə etmək üçün Səhiyyə Nazirliyinə müraciət etməyinizi tövsiyə edirik”.
Azərbaycanda pulsuz ilik əməliyyatı üçün nə etmək lazımdır? - Rəsmi açıqlama
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
