Sizin reklam burada
27 
may
2023
00:53
86
reklamlar

GÖYÇAY SAKİNİ “GİNNESİN REKORDLAR KİTABI”NA DÜŞMƏK İSTƏYİR?

27 may, 2023
00:53
86

GÖYÇAY SAKİNİ “GİNNESİN REKORDLAR KİTABI”NA DÜŞMƏK İSTƏYİR? - FOTO

Əl əməyi ilə ərsəyə gələn sənət nümənələri digər işlərlə müqayisədə daha çox əziyyət tələb edir. Məhz bu səbəbdən onların qiyməti də baha olur.
DEN.AZ bu dəfə maraqlı əl əməyindən bəhs edəcək, amma burada ustanın məqsədi pul qazanmaq deyil, rekordlar kitabına düşməkdir.

Belə ki, Göyçay sakini “Ginnesin Rekordlar Kitabı”na düşmək iddiasındadır. Rayonun Çərəkə kəndində yaşayan 47 yaşlı Əfqan Rəhimov qeyri-adi bacarığı ilə görənləri təəccübləndirir. O, ot bağlamarının üzərində olan iplərdən maraqlı əl işi ortaya çıxartmağı planlaşdırıb. Bağlamada olan otu heyvanlara verdikdən sonra bu iplər tullantıya çevrilməsin deyə onlardan faydalı, maraqlı, həm də qazanclı iş ərsəyə gətirə bilib.Üç ildir bu işə start verdiyini deyən müsahibimiz, hər gün bir neçə saatını bu işə ayırmaqla 6 metr uzunluğunda kəndir hörür. Əfqan Rəhimov bildirib ki, kəndir toxuma nə qədər sadə görünsə də, bir o qədər çətin işdir. Çünki dəqiqlik bu işin əsas şərtidir. Kəndirin diametrinin alınması böyük təcrübə tələb edir. Bu günə qədər saysız hesabsiz ot bağlamalarından əldə etdiyi, umumi çəkisi 50 kq olan iplərdən 1000 (min) metr uzunluğunda kəndir toxumağı bacarıb. Növbəti hədəf isə 10 min metrdir. Bununla da rekordlar kitabına düşməyi planlayır. Mövzumuzun qəhrəmanı missiyasını başa vurduqdan sonra rekordlar kitabına düşmək üçün artıq hansı proseslərdən keçməli olduğunu araşdırmağa başlayıb. Xatırladaq ki, müasir dövrdə kəndir toxuma ilə məşğul olan çox az ailə tapılar, çünki yeni texniki avadanlıqlar əl əməyini geridə qoyduğundan bu sənət unudulmaq üzrədir.








DEN.AZ

Bizimlə əlaqə saxlayın