Polşanın Krakov şəhərində keçirilən III Avropa Oyunları başa çatıb.
"Den.az" Apa-a istinadən xəbər verir ki, yarışın bağlanış mərasimi “Henik Reyman” stadionunda baş tutub.
Mərasimdə Polşa və bəzi Avropa ölkələrinin rəhbər şəxsləri, Beynəlxalq və Avropa Olimpiya Komitələrinin rəsmiləri iştirak ediblər.
Mərasim Polşanın Dövlət Himni ilə başlanıb. Ardınca iştirakçı ölkələrin bayraqları arenaya gətirilib. Azərbaycanın bayraqdarı Krakov-2023-də boks yarışında gümüş medal qazanan Məhəmməd Abdullayev olub.
Daha sonra bədii hissə çərçivəsində müxtəlif rəqs kompozisiyaları nümayiş etdirilib. Yerli ifaçılar mahnılar səsləndiriblər. Onlar arasında Viki Qabor, Sara Ceyms və Di-Cey Qromi də yer alıb.
Tədbirdə bayrağın növbəti Oyunların ev sahibinə ötürülmə mərasimi olmayıb. Buna 2027-ci ildəki yarışın harada keçiriləcəyinin dəqiqləşməməsidir. Tədbir zamanı Avropa Olimpiya Komitələrinin bayrağı sadəcə endirilib.
Çıxışlarda yarışın yüksək səviyyədə keçməsindən, Avropa ölkələri arasında dostluğa təsirindən danışılıb.
İyunun 21-də açılış mərasimi keçirilən və 12 gün Avropanın diqqət mərkəzində olan yarışın Sülh məşəli də söndürülüb.
Qeyd edək ki, 48 ölkədən 7000-ə yaxın idmançının çıxış etdiyi yarışlarda Azərbaycan yığması da təmsil olunub. Polşaya 101 idmançı ilə yollanan millimiz 11 medal qazanıb. Bunun 3-ü qızıl, 2-si gümüş və 6-sı bürünc əyarlıdır. Komandamız ümumi hesabda isə 24-cü yeri tutub.
Den.az
III Avropa Oyunları başa çatıb - FOTO

Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.