"Azərbaycan Cənubi Qafqazda və Şərq tərəfdaşlığı üzv ölkələri arasında müstəqil siyasi gündəmi olan yeganə ölkədir. Cənubi Qafqaz uğrunda Qərblə Rusiya arasında rəqabət Ermənistan və Gürcüstanda siyasi böhrana gətirib çıxarıb. Xüsusilə, Gürcüstanda siyasi situasiya gərgindir və hakim "Gürcü Arzusu" partiyası payızda seçkilərə gedir. Seçkilər öncəsi siyasi gərginlik pik həddə olacaq. Demək olar ki, hakimiyyətin qəbul etdiyi "Xarici agentlər" haqqında qanunundan sonra, bu ölkədə siyasi böhran hökm sürür. Bununla da Gürcüstan hakimiyyəti öz ənənəvi müttəfiqləri ilə "körpüləri yandırmaq" kursunu həyata keçirir".
Bu fikirləri "Den.az"a açıqlamasında politoloq Məhəmməd Əsədullazadə səsləndirib. O bildirib ki, "Gürcü Arzusu" partiyasının əsas siyasi xətti isə, müstəqil siyasət aparmaqdır.
"Amma, baş verənlər Gürcüstan üçün müsbət nəticələr vəd etmir. Çünki uzun illər müstəqil siyasəti olmayan bir ölkənin qalxıb, müstəqil siyasət aparırıq kimi mövqeyi Qərb tərəfindən şübhəli qarşılanır. Gürcüstan hakimiyyətinin siyasətində şübhəli məqamlar var. Onlar Kremlə boylanmağa həvəsli görünür. Rəsmi Tiflis belə bir Rusiya tərəfindən işğal olunmuş əraziləri diplomatik yolla azad etməyi arzu edir. Gürcüstandan fərqli olaraq Ermənistan daisə, Qərb hakimiyyətə dəstək verir. Rusiya da müqəddəs hərakat adı altında din pərdəsinə bürünmüş siyasi müxalifətə dəstək verir. Ümumiyyətlə, Baş nazir N. Paşinyan Rusiyadan uzaqlaşma kursu həyata keçirməyə baxmayaraq, müstəqil siyasət yürüdən bir sistem qura bilmir. Uzun illər Rusiyanın forpostu olan ölkə, digər güc mərkəzinin forpostu olmağa həvəslə gedir. Qafqazın aparıcı ölkəsi olan Azərbaycan hər iki ölkədən fərqli olaraq Rusiya və Qərblə məsafəli siyasət aparır. Öz milli maraqlarını üstün tutaraq, heç bir mərkəzin iradəsi ilə hərəkət etmir. Nə Rusiyanın moderator olduğu təşkilatlarda yer alır, nə də Avropa İttifaqı ilə Asossativ saziş bağlayır. Məhz müstəqil xətt apardığı üçün uzun illər ərzində işğal olunmuş ərazilərini azad etdi. Həmçinin suverenliyini bərpa etdikdən sonra, regional əhəmiyyətli bir ölkə statusu aldı. Prezident İlham Əliyev tərəfindən Azərbaycan bugün müstəqil siyasəti olan, regional nizam yaradan bir ölkədir. Həm Rusiya, həm də Qərb bu gündəliyi qəbul edib. Azərbaycan Cənubi Qafqazda daha sabitləşdirici ölkə olaraq Ermənistan və Gürcüstanın müstəqilliyinin qaranti olacaq bir ölkə olması mümkündür".
Günəş Fərəh
Den.az
