“İranın yeni prezidentinin andiçmə mərasimi fonunda İsrail İslam Respublikasına mesaj göndərib. Belə ki, İsrail HƏMAS-ın siyasi qanadının rəhbəri İsmayıl Haniyəni öz ərazisində öldürməklə İrana meydan oxuyub və Tehran buna cavab verəcək”.
Den.az xəbər verir ki, bunu Ermənistan parlamentinin keçmiş deputatı Qor Gevorqyan deyib.
Onun sözlərinə görə, ərəb dünyasında digər maraqlı ölkələrin də iştirakı ilə eskalasiya indi deyil, HƏMAS-ın 2023-cü ilin oktyabrında İsrailə hücumu ilə başlayıb. Haniyənin öldürülməsi isə İsrailin regional siyasətin hansı alətlərindən istifadə etdiyini göstərir.
“Rəsmi Təl-Əviv dünyaya göstərmək istəyir ki, digər ölkələrin ərazisindəki rəqiblərini məhv etmək gücündədir. İran ərazisinə zərbə endirmək İslam Respublikasına bir çağırış idi. Təl-Əviv “əllərinin nə qədər uzun” olduğunu göstərir
Üstəlik, İsrail bununla göstərdi ki, Qəzza zolağında hərbi əməliyyatların intensivliyini azaltmaq da daxil olmaqla, heç bir beynəlxalq çağırışa əməl etmir. Biz Netanyahu hökumətinin hər şeyə gedəcəyini güman edə bilərik. Çünki indi ölkədə böyük narazılıq və hakimiyyətin dəyişdirilməsi tələbi”, – Gevorkyan bildirib.
Onun fikrincə, İran İsrailə birtəhər cavab verməyə çalışacaq, amma bu, yalnız siyasi müstəvidə olacaq.
“Digər tərəfdən, bu vəziyyət təkcə İrana, İsrailə və ya regiona aid deyil. Bu, çoxdan qlobal geosiyasi məsələyə çevrilib. Digər oyunçuların (ABŞ, Rusiya, Çin və bəzi Avropa ölkələrinin) da mövqeyindən çox şey asılı olacaq”, – deyə Gevorqyan vurğulayıb.
Günəş Fərəh
Den.az
"İsrail İrana meydan oxuyub və Tehran buna cavab verəcək” - Gevorqyan
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
