"Rusiya "dövlətçiliyinin" acizliyi, fərsizliyi və zəifliyi elmi cəhətdən sübuta yetirilib..."
Rusiyanın Kursk vilayətinin 28 yaşayış məntəqəsi Ukrayna Silahlı Qüvvələrinin nəzarətindədir. Bu barədə region qubernatorunun vəzifələrini icra edən Aleksey Smirnov Putinə məruzə edib.
Den.az xəbər verir ki, məlumatı "dw.com" nəşri yayıb.
Onun sözlərinə görə, Ukrayna ordusu Kursk vilayətinin 12 km dərinliyinədək irəliləyib və cəbhəni 40 km genişləndirib. Sərhədyanı rayonları 121 min nəfər tərk edib, iki min sakinin taleyindən hakimiyyət xəbərsizdir.
Geolokasiya kadrlarına, habelə Rusiya və Ukraynanın avqustun 10-u və 11-də çəkilən videoçarxlarına istinad edərək, Amerikanın müharibənin öyrənilməsi İnstututunun ( ISW) analitikləri USQ-nin Kursk vilayətindən qərbə və şimal-qərbə doğru irəliləməsi barədə məlumat verib.
Qeyd edək ki, avqustun 11-nə olan müxtəlif dəyərləndirmələrə görə, döyüş əməliyyatlarının ümumi sahəsi 720-900 kvadrat km təşkil edib.
Hərbi ekspert Sergey Qrabski Belarusun NEXTA nəşrinə şərhində qeyd edib ki, Rusiya Silahlı Qüvvələri Rusiya regionlarının strateji müdafiə planına malik olmayıb və hazırda onlar cəbhənin Xarkov, Kupyansk və Xerson kimi az fəal sahələrindən regiona bölmələr göndərməklə improvizə edir.
Yerli sakinlərin məlumatlarına görə, Kurskun özündə hər yarım saatdan bir hava həyəcanı siqnalı verilir. "'Azadlıq Radiosu"nun rus xidməti şəhərdə və regionda vəziyyəti belə təsvir edib:
"Şəhər üzərində hərbi təyyarə və helikopterlər uçur, hakimiyyət böyük toplantılar və kütləvi tədbirləri qadağan edib", - yerli sakinlər jurnalistlərə danışıb.
Kursk sakinləri regionda qoşunların irəliləməsini təsdiq edib, Rusiya MN onların USQ bölmələri olduğunu və Rusiyanın Avropaya təbii qazın tədarükü üçün istifadə etdiyi "Qazprom" obyektinin ələ keçirilməsini təsdiq edib. Kursk, Belqorod və Bryansk vilayətlərində Rusiya fövqəladə vəziyyət elan edib.
Ukrayna nəşrlərinin iddiasına görə, rusiyalı hərbçilər kütləvi şəkildə əsir düşür.
Ukraynanın "Yaşamaq istəyirəm" dövlət layihəsi əsir kadırovçular, "Ahmat" bölməsinin Kursk vilayətində ələ keçirilən yaraqlılarının videosunu göstərib və əlavə edib ki, onlar hətta müqavimət belə göstərməyib.
Qeyd edilir ki, adətən, kadırovçular əsir düşmür, çünki Rusiyanın arxa cəbhəsindədir, lakin Rusiyanın sərhəd zonasında hazırda vəziyyət çox dinamikdir.
"Rusiya Kursk döyüşünü artıq uduzub. USQ-ni ələ keçirdikləri ərazilərdən vurub çıxarmaq üçün "orkların" (şər və ölüm saçan yadellilər-red.) heç bir leqal imkanları yoxdur. Rusiyaya öz FAB-ları ilə (fuqas aviasiya bombası-red.) sakinlərinin ən azı üçdə bir hissəsinin qaldığı rus qəsəbə və şəhərçiklərini bombalamaq qalır.
Lakin bu da artıq heç nəyi həll etməyəcək. Avqust rüsvayçılığı silinməzdir. Rusiya "dövlətçiliyinin" acizliyi, fərsizliyi və zəifliyi elmi cəhətdən sübut olunub. Elə öz əhalisinə tamamilə laqeydliyi də həmçinin", - bu fikri rusiyalı müxalifətçi Aleksandr Nevzorov söyləyib.
"Rusiya Kursk döyüşünü artıq uduzub" - Nevzorov
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
