Xəbər verdiyimiz kimi, dekabrın 17-də Sakit okeanın Vanuatu adasında 7,3 bal gücündə zəlzələ baş verib.
AZƏRTAC xəbər verir ki, Beynəlxalq Qırmızı Xaç Komitəsinin məlumatına görə, zəlzələ nəticəsində 14 nəfər həlak olub, yüzlərlə insan xəsarət alıb. Dağıntı olan binalarda və evlərdə axtarış-xilasetmə işləri davam edir.
Çinin Vanuatudakı səfirliyi zəlzələ zamanı 2 Çin vətəndaşının həyatını itirdiyini açıqlayıb.
Zəlzələnin episentri Vanuatunun əsas adası olan Efate sahillərindən təxminən 30 kilometr aralıda, 57 kilometr dərinlikdə yerləşib. Yeraltı təkan paytaxt Port Vilada ciddi dağıntılara səbəb olub, o cümlədən ABŞ və digər səfirliklərin yerləşdiyi binalar zərər görüb.
Hadisədən sonra bir neçə afterşok qeydə alınıb, ən güclüsü 6,1 bal gücündə olub.
Qeyd edək ki, Vanuatu İllik Dünya Risk Hesabatına görə zəlzələ, tufan, daşqın və sunami kimi təbii fəlakətlərə ən həssas ölkələrdən biri hesab olunur.
7,3 bal gücündə zəlzələ - 14 nəfər ölüb, yüzlərlə yaralı var
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
