“Biz Suriya böhranının ilk anından tarixin doğru tərəfində olmuşuq”.
Den.az xəbər verir ki, bunu Türkiyə Prezidenti Rəcəb Tayyib Ərdoğan deyib.
O bildirib ki, İsrailin artan təcavüzünün səbəbi Suriyadakı inqilaba kölgə salmaq və Suriya xalqının ümidlərini boğmaqdır.
“Əsəd rejiminə qarşı müharibədə qalib gələn Suriya xalqının qələbə qazanması və uğurlarının daimi olması üçün əlimizdən gələn hər cür dəstəyi verəcəyik. Suriyanın ərazi bütövlüyünü və unitar quruluşunu hər şəraitdə qorumaq Türkiyənin dəyişməz xəttidir. Biz bundan qəti şəkildə geri addım atmayacağıq. İsrail fürsətçi addım atsa belə, gec-tez işğal etdiyi torpaqlardan geri çəkiləcək. Suriyanın və bölgəmizin gələcəyində İŞİD, PKK kimi heç bir terror strukturuna yer yoxdur. Onlar ya özlərini ləğv edəcəklər, ya da məhv olunacaqlar. Suriyada separatçı terror təşkilatına qarşı dəqiq əməliyyatlarımızı mülki insanlara zərər vermədən davam etdirəcəyik. Suriya rəhbərliyinin bu məsələdə qətiyyətini alqışlayırıq”.
Ərdoğan əlavə edib ki, Qərb dövlətlərinin yavaş-yavaş bu cinayətkarlara dəstəyini kəsdiyini görürük.
“PKK qatillərinin ətrafı daralır, yolun sonu görünür. Onları gözləyən ağrılı aqibətdən xilas ola bilməyəcəklər. Allahın izni ilə 40 ildir davam edən bu bəladan xilas olacağıq”, – deyə Türkiyə lideri vurğulayıb.
Günəş Fərəh
Den.az
“Biz Suriya böhranının ilk anından tarixin doğru tərəfində olmuşuq” - Ərdoğan
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
