Almaniyanın Baden-Vürttemberq əyalətinin Riedlingen şəhəri yaxınlığında sərnişin qatarı relsdən çıxıb.
“Den.az” xəbər verir ki, bununla bağlı xarici KİV məlumat yayıb.
Bildirilib ki, hadisə nəticəsində 3 nəfər ölüb, 50 nəfər isə xəsarət alıb.
Qeyd olunub ki, qatarda təxmini 100-ə yaxın sərnişin olub.
İlkin məlumata görə, hadisədən bir qədər əvvəl həmin ərazidə fırtına olub. Nəticədə həmin fırtına torpaq bəndi yuyub və bu da qatarın relsdən çıxmasına səbəb olub.
Lakin fəlakətin səbəbləri barədə hələlik rəsmi məlumat yoxdur.
Hadisə ilə bağlı Almaniya kansleri Fridrix Mertz “X” hesabında paylaşım edib. O, daxili işlər və nəqliyyat nazirləri ilə sıx əlaqədə olduğunu bildirib. Həmçinin həyatını itirənlərin yaxınlarına da başsağlığı verib.
