Serbiyada mühüm siyasi dəyişiklik baş verib. Prezident Aleksandar Vuçiçin istefasından sonra parlament sədri Ana Brnabiç müvəqqəti olaraq dövlət başçısı səlahiyyətlərini icra etməyə başlayıb. Vuçiç sentyabrın 27-də istefa verib, sentyabrın 28-də isə səlahiyyətlərini Brnabiçə təhvil verib.
Vuçiç istefasından sonra oktyabrın 25-də keçiriləcək növbədənkənar parlament seçkilərində iştirak edəcəyini açıqlayıb. Yeni prezident seçkiləri isə qanunvericiliyə əsasən ən gec üç ay ərzində keçirilməlidir.
Serbiya qanunvericiliyinə əsasən, prezident vəzifəsi boşaldıqda onun səlahiyyətlərini parlament sədri icra edir. Buna görə də Ana Brnabiç yeni prezident seçilənədək, maksimum üç ay müddətində dövlət başçısı vəzifəsini icra edəcək.
Brnabiç 2017-ci ildə Serbiyanın ilk qadın və açıq homoseksual baş naziri olmuşdu. Hazırda isə o, Balkan ölkələrində açıq homoseksual kimliyi ilə dövlət başçısı səlahiyyətlərini icra edən ilk siyasətçi kimi təqdim olunur.
Brnabiç 2017–2024-cü illərdə Serbiyanın baş naziri olub, 2024-cü ildən isə Milli Assambleyaya rəhbərlik edib. Beləliklə, o, ölkənin üç yüksək siyasi postunda — baş nazir, parlament sədri və müvəqqəti prezident kimi fəaliyyət göstərib.
