Sumqayıtda yaşayış evi yanıb, xəsarət alan var.
Den.az xəbər verir ki, hadisə Sülh prospekti, "Əşya bazarı" adlanan yerdə qeydə alınıb.
Yanğının söndürülməsinə yanğından mühafizə bölmələri cəlb edilib. Ərazi Sumqayıt şəhər Polis İdarəsinin əməkdaşları tərəfindən tam mühafizə olunub. Ev yiyəsinin sözlərinə görə, yanğına mənzildə olan qaz peçinin səbəb olduğu ehtimal edilir.
Yanğınsöndürənlərin çevik müdaxiləsi sayəsində birmərtəbəli fərdi yaşayış evində baş vermiş yanğın daha da genişlənməsinə imkan verilməyib. Yanğın söndürülüb.
İlkin məlumata görə, hadisə zamanı yanğınsöndürən Bəxtiyar Ağayev xəsarət alaraq xəstəxanaya çatdırılıb. Sumqayıt Tibb Mərkəzindən bildirilib ki, Təcili Tibbi Yardım Xəstəxanasına 19.01.2025-ci il tarixində saat 14:20 radələrində 1986-cı il təvəllüdlü şəxs (kişi cinsli) hospitalizasiya olunub. Sağ döş qəfəsinin yüngül əzilməsi diaqnozu təyin edilən şəxsə təcili tibbi yardım şöbəsində zəruri tibbi yardımlar göstərilir, vəziyyəti stabildir.
Faktla bağlı araşdırma aparılır...
Sumqayıtda güclü yanğın: FHN əməkdaşı xəsarət aldı-HADİSƏ VİDEOREPORTAJ
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
