Sumqayıt şəhərində narkotik vasitələrin satışını təşkil edən və çətənə kollarının kultivasiya ilə məşğul olan şəxslərə qarşı növbəti əməliyyatlar keçirilib.
Daxili İşlər Nazirliyinin mətbuat xidmətindən "Den.az"-a verilən xəbərə görə, Sumqayıt Şəhər Polis İdarəsinin əməkdaşlarının həyata keçirdikləri silsilə tədbirlər zamanı əvvəllər məhkum olunmuş Rəvail Məmmədov, tanışı Fuad İsmaylov, Ramin İbrahimov, Xaliq Məmmədzadə, Corat qəsəbəsində narkotiklərin satışını təşkil edən Ceyhun Məmmədov və həyat yoldaşı Könül Babayeva saxlanılıblar. Bu şəxslər ümumilikdə 16 kiloqram narkotik vasitə heroin, marixuana və psixotrop maddə metamfetamin aşkar edilib.
Saxlanılanlar narkotik vasitələri sosial şəbəkələrdə tanımadıqları İran İslam Respublikasının vətəndaşlarından onlayn yolla satmaq məqsədi ilə əldə etdiklərini bildiriblər.
Sumqayıt Şəhər Polis İdarəsinin əməkdaşlarının həyata keçirdikləri növbəti əməliyyatlar zamanı isə narkotik tərkibli bitkilərin kultivasini ilə məşğul olan Corat qəsəbəsi sakinləri Kamal Əliyev və Azad Mansurov da saxlanılıb. Onlardan yaş halda çəkisi 52 kiloqram olan 174 ədəd çətənə kolu aşkar olunub.
Sumqayıt Şəhər Polis İdarəsinin əməkdaşlarının həyata keçirdikləri daha bir əməliyyat nəticəsində əvvəlki illərdən bağlı qalan qəsdən adamöldürmə cinayətinin də üstü açılıb.
Belə ki, 2008-ci ilin oktyabr ayının 28-də Sumqayıt şəhər sakini Tünzalə Kərimovanın qəsdən öldürülməsi faktına görə başlanmış cinayət işi üzrə İdarə əməkdaşları tərəfindən keçirilən tədbirlərlə qeyd edilən cinayəti törətməkdə şübhəli bilinən əvvəllər məhkum olunmuş Ərəstun Zülfüqarov da tutularaq istintaqa təhvil verilib. Saxlanılarkən ondan bir ədəd “Baykal” markalı tapança, həmin silaha aid 176 ədəd patron və narkotik vasitə heroin aşkar olunaraq götürülüb.
İdarə əməkdaşlarının son 25 gündə həyata keçirdikləri əməliyyatlar zamanı şəhər ərazisində narkotik vasitələrin qanunsuz dövriyyəsi ilə məşğul olan 62 nəfər saxlanılıb. Həmçinin, Sumqayıt şəhərində “Xaş-Xaş 2023” şərti adı altında keçirilən əməliyyatlarla yaş kütləsi 78 kiloqram olan 257 ədəd kultivasiya olunmuş çətənə kolu aşkar olunaraq götürülüb.
Qeyd edək ki, cari ilin əvvəlindən Sumqayıt Şəhər Polis İdarəsinin əməkdaşlarının keçirdikləri əməliyyatlar nəticəsində 40 kiloqrama yaxın narkotik vasitə və psixotrop maddə qanunsuz dövriyyədən çıxarılıb.
Sumqayıtda 15 il əvvəl qətl törədən şəxs tutulub - VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
