Kürdəmir sakini mübahisə zamanı bıçaqlandı - FOTO

Kürdəmir rayonunun Qismət Qayıbov küçəsində bıçaqlanma hadisəsi baş verib.

Den.az-ın yerli bürosu xəbər verir ki, 1978-ci il təvəllüdlü Ramil Sayad oğlu Cəbrayılov naməlum şəraitdə bıçaqlanıb.

Yaralı dərhal vətəndaşların köməyi ilə Kürdəmir Rayon Mərkəzi Xəstəxanasına çatdırılıb.
Hadisədə 45 yaşlı İlqar Ənvər oğlu Səlimov şübhəli şəxs qismində saxlanılıb.

Faktla bağlı araşdırma aparılır.